Mukshidonna먹쉬돈나 @ 旺角
部隊鍋 (7/10)($78-年糕底 / $18-配料)
呢間係來自韓國三清洞既過江龍。想試韓國本土味道絕對要黎呢間新店啦。
主打當然係部隊鍋，首先要揀年糕底，有海鮮，部隊(午餐肉，腸仔)，烤肉，芝士等等。最少要揀兩鍋。foodki一行四人就揀左海鮮，部隊，芝士，絕對要揀芝士的呢，芝士拉絲效唔知曬左我幾多菲林呢～～
揀完年糕底就揀麵類，有拉麵，粉絲，烏冬，細麵。然後就揀配料，例如火腿，紫菜卷，芝士等等。最後緊係要揀炒飯底，有芝士炒飯，同普通炒飯。
叫左一大輪野。等左大約15分鐘，一兜部隊鍋終於黎到啦！！！味道真係好香，拉麵非常彈牙，微微辣，唔會太辣。佢地既湯真係值得一讚，唔會太過稀，而係比較濃同杰，撈起辛辣麵，加埋芝士真係不錯吃呢。食完個麵，店員就會收起個鍋，拎留入廚房炒好再拎出黎呢～～
p.s. 呢間舖頭真係勁撚爆多人呢，仲要無得book位，而且無乜位企係到等。
p.s. 店員基本上係唔識廣東話，英文都非常垃圾呢，大家要有心理準備同佢地雞同鴨講
p.s. 一開始上到去時候，韓國大叔態度真係好撚差呢，黑曬面呢。但之後差唔多走，佢拍一拍我背脊，又笑曬口咁，好啦，foodki就原諒你啦
地址：旺角彌敦道726號1樓
Search